محکمہ برقیات میرپور میں تعینات ایچ ڈی ایم چوہدری وقار خانپوری نے یہ بل ارسال کیا ہے اور کہا کہ برانڈ نے آج بھی شاپنگ بیگ کے پیسے وصول کئے ہیں اور جب ان کو کہا گیا کہ انتظامیہ کا حکم ہے تو ان کا کہنا تھا کہ ہم کسی حکم کو نہیں مانتے ہمارے اپنے اصول و ضوابط ہیں انھوں نے ڈپٹی کمشنر سید عمران نقوی اور اسسٹنٹ کشمنر میاں حسام سے مطالبہ کیا ہے کہ حکم عدولی کرنے والے برانڈز کے خلاف کارروائی کریں
یکم نومبر سے موبائل پر کال کرنے والے کا نام بھی نظر آئے گا ، حکومت کا بڑا فیصلہ ..
موبائل صارفین کے لیے ایک اور اہم اور بڑی خبر! محکمہ ٹیلی مواصلات (DoT) نے فیصلہ کیا ہے کہ یکم نومبر 2026ء سے ملک بھر میں کال کرنے والے کے نام کی شناخت (Caller ID) کی سہولت نافذ کی جا رہی ہے ..
اس نئی سہولت کے تحت اب موبائل فون پر آنے والی کال کے دوران صرف نمبر نہیں بلکہ کال کرنے والے شخص کا اصل نام بھی اسکرین پر دکھائی دے گا ..
اس اقدام کا مقصد نامعلوم نمبروں (Unknown Numbers) سے آنے والی کالوں کی شناخت کو آسان بنانا اور شہریوں کو غیر ضروری و فرضی کالوں سے محفوظ رکھنا ہے ..
تمام ٹیلی کام کمپنیوں کو جدید ٹیکنالوجی پر اس سہولت کی جانچ اور نفاذ مکمل کرنے کی ہدایات جاری کر دی گئی ہیں ..
چڑہوئی (نمائندہ ABC نیوز) تھانہ پولیس چڑہوئی کے نائب محرر آفتاب کو تعریفی سرٹیفکیٹ دینے کا مطالبہ عوام میں اس کی خوش اخلاقی اور پیشہ ورانہ طرز عمل کی بنا پر زور پکڑتا ہے.
تھانہ میں آنے والے سائلین کا کہنا ہے کہ نائب محرر آفتاب ہر آنے والے شہری کی بات تحمل سے سنتے ہیں اور فوری انصاف کی فراہمی کو یقینی بناتے ہیں۔
مقامی عوام کے مطابق تھانہ چڑہوئی میں اب خوف کا ماحول ختم ہو چکا ہے اور آفتاب کی تعیناتی کے بعد پولیس اور عوام کے درمیان فاصلے کم ہوئے ہیں۔
شہریوں نے ایس ایس پی کوٹلی سے درخواست کی ہے کہ وہ تھانہ چڑہوئی کے تمام فرض شناس اہلکاروں خصوصاً نائب محرر آفتاب کو تعریفی سرٹیفکیٹ دے کر ان کی حوصلہ افزائی کریں، تاکہ پولیس کا مثبت امیج مزید بہتر ہو اور دوسرے اہلکار بھی اس سے سبق حاصل کریں۔
کوٹلی، آزاد کشمیر کے ضلع کوٹلی کی تحصیل کھوئی رٹہ سے تعلق رکھنے والے کاشف محمود نے پاکستان کی قومی Blind Baseball Team (VI) میں شامل ہو کر بین الاقوامی سطح پر پاکستان کی نمائندگی کا اعزاز حاصل کیا۔
برطانوی شہری (British National) کاشف محمود کا تعلق آزاد کشمیر سے ہے اور وہ WBSC Blind Baseball International Cup 2026 میں پاکستان کی قومی ٹیم کے ساتھ شرکت کریں گے۔
یہ بین الاقوامی مقابلہ اٹلی میں منعقد ہوگا، جہاں کاشف محمود پاکستان کی قومی Baseball Team (VI) کی نمائندگی کرتے ہوئے میدان میں اتریں گے۔
کاشف محمود کی پاکستان کی نمائندگی آزاد کشمیر اور خصوصاً کھوئی رٹہ کے لیے بھی باعثِ فخر ہے۔ ان کی یہ کامیابی نوجوانوں کے لیے کھیلوں کے میدان میں آگے بڑھنے اور بین الاقوامی سطح پر ملک کا نام روشن کرنے کی ایک مثال ہے۔
اے بی سی کشمیر نیوز
— سچ کی آواز، عوام کے ساتھ
میرپور آزاد کشمیر کے انتہائی قابل، فرض شناس اور ایماندار پولیس آفیسر مجتبیٰ صلاح الدین آغا اپنی بہترین پیشہ ورانہ صلاحیتوں، دیانتداری اور عوام دوست رویے کی بدولت محکمہ پولیس میں ایک نمایاں مقام رکھتے ہیں۔ انہوں نے اپنی پولیس سروس کا آغاز بطور ASI 1993 میں کیا اور اپنی انتھک محنت، قابلیت اور شاندار کارکردگی کے باعث مختلف اہم عہدوں پر خدمات سرانجام دیں۔مجتبیٰ صلاح الدین آغا نے بطور SHO برنالہ اور SHO پنجراں اپنے فرائض انتہائی خوش اسلوبی سے انجام دیے جہاں انہوں نے جرائم کے خاتمے، عوام کے مسائل کے حل اور امن و امان کی بحالی کے لیے نمایاں کردار ادا کیا۔ بعد ازاں انہوں نے ASHO راولاکوٹ کے عہدے پر بھی اپنی پیشہ ورانہ ذمہ داریاں احسن انداز میں نبھائیں اور عوامی حلقوں میں عزت و احترام حاصل کیا۔ان کی بہترین کارکردگی کو مدنظر رکھتے ہوئے انہیں اقوام متحدہ کے امن مشن میں بطور United Nations Peace Keeper خدمات انجام دینے کا اعزاز بھی حاصل ہوا، جہاں انہوں نے بین الاقوامی سطح پر پاکستان اور آزاد کشمیر پولیس کا نام روشن کیا۔ اسی طرح وہ نیویارک میں UN Security Officer کے طور پر بھی اپنی خدمات سرانجام دے چکے ہیں، جو ان کی قابلیت اور بین الاقوامی اعتماد کا منہ بولتا ثبوت ہے۔مجتبیٰ صلاح الدین آغا نے برطانیہ میں Midlands اور Yorkshire پولیس کے ساتھ خصوصی وزٹ اور تربیت بھی حاصل کی، جس سے ان کی پیشہ ورانہ مہارتوں میں مزید نکھار آیا۔ جدید پولیسنگ، تفتیشی امور اور عوامی تحفظ کے حوالے سے ان کی تربیت کو محکمہ پولیس میں انتہائی قدر کی نگاہ سے دیکھا جاتا ہے۔انہوں نے آئی جی پی آفس میں بطور Staff Officer بھی خدمات انجام دیں جہاں انتظامی معاملات میں ان کی صلاحیتوں کو بے حد سراہا گیا۔ بعد ازاں انہیں SP Anti Corruption میرپور تعینات کیا گیا، جہاں انہوں نے کرپشن کے خلاف مؤثر کارروائیوں کے ذریعے اپنی ایمانداری اور جرات کا لوہا منوایا۔اس وقت مجتبیٰ صلاح الدین آغا بطور Additional SP میرپور اپنی ذمہ داریاں انجام دے رہے ہیں اور میرپور کے عوام ان کی بہترین کارکردگی، شائستہ رویے اور انصاف پسندانہ اقدامات کو بے حد سراہتے ہیں۔ عوامی و سماجی حلقوں کا کہنا ہے کہ مجتبیٰ صلاح الدین آغا جیسے ایماندار اور فرض شناس افسر محکمہ پولیس کا قیمتی سرمایہ ہیں جن کی خدمات ہمیشہ یاد رکھی جائیں گی۔
جس میں انہوں نے صحافی حضرات کو 19 فروری 2026 کو ریڑہ بازار میں ایک دکان پر ہونے والی چوری کی واردات کے بعد پولیس ٹیم کی کارگزاری کے حوالے سے آگاہ کیا۔
ایس ایس پی باغ نے پریس بریفنگ میں بتایا کہ 19 فروری کو ہمیں ایک درخواست موصول ہوئی جس میں درخواست گزار نے بتلایا کہ اس کی ہارڈوئیر کی دکان پر نامعلوم سارقان نے نقب لگا کر نقدی رقم مبلغ 1450000 روپے چوری کر لیے ہیں جس پر مقدمہ نمبر 57/26 رجسٹر کرکے تفتیش کا آغاز کیا گیا ۔ گزشتہ اڑھائی ماہ سے اس پر تفتیش کا عمل جاری تھا جس پر باغ تعینات ہونے پر میں نے ایک نئی پولیس انویسٹیگیشن ٹیم DSP ہیڈکوارٹر باغ فیض الرحمان عباسی کی نگرانی میں بنائی جس میں si گوہر عارف انچارج CiA, غلام مصطفیٰ ، وقار حمید ، حسنین شاہ کنسٹیبلان شامل ہیں جنہوں نے شبانہ روز کی محنت اور مختلف جدید ذرائع کے استعمال سے ملزمان محمد اسحاق ولد محمد روشن، تصویر حسین ولد غلام حسین ، وحید عالم ولد عالم حسین ساکنان بھاٹہ کوٹ تحصیل ممتاز آباد کوٹریس کر کے گرفتار کرتے ہوئے مسروقہ رقم مبلغ 1450000 روپے برامد کر لی۔ ملزمان سکریپ کا کام کرتے تھے اور ریڑہ میں ہی ایک مکان کرائے پر لے کر رہائش پذیر تھے ۔جنہوں نے مکمل منصوبہ بندی کر کے گھر سے ہتھوڑے لاکر دکان کی عقبی کھڑکی کو توڑ کر اندر داخل ہو کر رقم چُرائی۔
ایس ایس پی باغ نے تفتیشی ٹیم کو تعریفی سرٹیفکیٹس عطا کیے ۔
اس موقع پر انہوں نے تاجران کےنام اپنے پیغام میں کہا کہ وہ اپنی دکانوں پر اچھے لاک لگائیں ، نقدی رقم اورجیولری کو کسی مضبوط سیف میں محفوظ کریں تاکہ چوری کی وارداتوں میں کمی آئے۔ ترجمان پولیس باغ
اللہ گواہ میری عنایہ کو پرائیویٹ ہسپتال کی لیڈی ڈاکٹر نےغلط انجنکشن لگا کر میرے پھول کو مار دیا لیکن میرے رب کا فیصلہ تھا آج میری عنایہ کی رات قبر میں تھی میں نے اپنی بیٹی کے لے خاموشی سے معاف کیا آپ میری عنایہ کے لے اور میرے صبر کے لے دعا کرنا میرا پھول چلا گیا اللہ پاک ان ڈاکٹروں کو ہدایت دے۔میری بیٹی کو غلط ٹیکا لگا کر مجھے اور میری فیملی کو ساری ذندگی کے رونا دےدیا۔
نصیر اکبر چودھری
